Prisane auka langt meir i Noreg enn i EU

(NPK-NTB): Noreg har så langt i år hatt ein prisvekst på matvarer på 11 prosent. Det er ein tre gonger så høg auke som i EU.

Til samanlikning er snittet i EU på 3,6 prosent, skriv NRK.

I land som Sverige og Danmark har prisen på matvarer auka med høvesvis 3,9 og 5,3 prosent i same periode.

Den sterke prisveksten på mat i Noreg kjem av ein korreksjon etter ein periode med sterk priskonkurranse mellom daglegvarekjedene, seier matforskar Ivar Pettersen ved ALO Analyse.

– Ser vi dette i det lange perspektivet er vi omtrent på linje med andre land. Utviklinga i Noreg har hengt etter, og no er vi omtrent i takt med prisutviklinga som har vore over lengre tid i Europa, seier Pettersen.

(©NPK)