Medlemssvikt hos Senterpartiet

(NPK-NTB): 14 av 17 fylkeslag i Senterpartiet har mista meir enn 10 prosent av medlemmene sidan partiet hamna i regjering.

Det viser medlemstala frå alle fylkeslag i Senterpartiet, som Nationen har fått tilgang til.

Finnmark Senterparti har mista 24 prosent av medlemmene sidan partiet kom til makta. Ved utgangen av 2021 hadde fylkeslaget 504 betalande medlemmer. Ved nyttår var talet nede på 383.

Tett på Finnmark følgjer Oslo, der reduksjonen har vore på 20,1 prosent.

Alle fylkeslag, bortsett frå Svalbard, har fått færre medlemmer. Fem fylkeslag har mista meir enn 15 prosent av medlemmene sidan utgangen av valåret 2021.

For landet samla er prosentnedgangen på om lag 8 prosent.

I 2021 hadde Sp i alt 20.205 betalande medlemmer. Ved utgangen av 2023 er talet redusert til 17.703. Med Senterungdommen med i berekninga, hamnar medlemstalet på 19.253.

(©NPK)