Meir arbeid for Energy Swan

Ålesund-baserte Golden Energy Offshore Services opplyser i ei børsmelding tysdag at selskapet har sikra forlenging av kontrakten med Repsol Norge for Energy Swan.

PSV-en fekk i 2021 kontrakt på eitt år, med opsjon på endå eitt år, med Repsol Norge. No er det bestemt at fartøyet skal halde fram i kontrakten i ytterlegare seks månader, til mai 2023.

Golden Energy Offshore Services seier at kontrakten reflekterer marknadstilhøva. Partane er også samde om ein opsjon som varer fram til 1. november neste år.