980 millionar kroner blir lyste ut til hovudprosjekt innan Grønn Plattform-samarbeidet, som skal leggje til rette for grøn vekst og berekraftig næringsliv.
Bedrifter og forskingsinstitutt kan søkje om støtte til store treårige prosjekt og blir oppmoda til å gå saman om søknadene som kan utløyse støtte på over 50 millionar kroner, opplyser Landbruks- og matdepartementet i ei pressemelding.
Hovudprosjektet skal bidra til samfunnsøkonomisk lønnsemd.
Landbruks- og matminister Olaug Bollestad (KrF) omtaler prosjektet som ei storstilt satsing og vil at aktørar innan landbruks- og matsektoren skal søkje.
Dette er andre trinnet i utlysinga. I første trinn fekk 93 forprosjekt støtte. Det er ikkje nødvendig å ha fått støtte til forprosjekt for å søkje hovudutlysinga.
Publisert: 24.03.2021 18:45
Sist oppdatert: 24.03.2021 18:47
