NPK-NTB: Nye målingar viser at Arbeidarpartiet og Senterpartiet er meir populære lokalt enn nasjonalt.

Arbeidarpartiet gjer det 6,7 prosentpoeng betre i ei kommunevalmåling samanlikna med ei stortingsmåling, viser dei to nye målingane Norstat har gjort for NRK og Aftenposten.

Senterpartiet gjer det 5 prosentpoeng betre lokalt enn nasjonalt. Tidlegare i år har forskjellen vore mellom 1,9 og 3,3 prosentpoeng.

Målingane viser også at færre Ap-veljarar går til Høgre ved kommuneval enn ved stortingsval. 20 prosent av Ap-veljarane forsvinn til Høgre i rikspolitikken. Medan ved kommuneval seier færre enn 9 prosent at dei hadde gjort det same.

Feilmarginane er frå 0,7 til 3,4 prosentpoeng i kommunemålinga og frå 0,7 til 3,6 prosentpoeng i stortingsmålinga.

Heile kommunemålinga: Raudt 4,0 (-0,5), SV 7,4 (-0,3), Ap 23,8 (+2,2), Sp 10,7 (+1,6), MDG 5,3 (-0,3), KrF 3,7 (+0,1), Venstre 3,8 (-0,1), Høgre 27,0 (-1,7), Frp 7,2 (-1,4), INP 1,8 (+0,5).

Heile stortingsmålinga: Raudt 5,6 (-1,4), SV 9,6 (0,6), Ap 17,1 (-1,4), Sp 5,7 (-1,5), MDG 2,8 (0,8) KrF 3,7 (+0,2), Venstre 4,9 (-0,2), Høgre 33,8 (+3,2), Frp 10,6 (-1,2) INP 2,8 (+1,0).