Milliongjeld etter ferdighuskonkurs

Nerheim Eiendomsutvikling AS i Tresfjord har meldt oppbod med ei samla gjeld på kring to millionar kroner, ifølgje Sunnmørsposten.

Verdien i firmaet skal vere kring 40.000 kroner, ifølgje papira frå Møre og Romsdal tingrett.

Siste rekneskapen viser eit underskot på 1,5 millionar kroner av ei omsetning på 4,8 millionar. Eigenkapitalen er tapt.

Første skiftesamling er 28. februar.