Millionstøtte til Hafast

Fylkesutvalet i Møre og Romsdal vedtok måndag å støtte Hafast med ein million kroner.

NETT NO omtalte i haust målet om å få inn seks millionar kroner for å jobbe vidare med fastlandssambandet som inneberer å bygge bru mellom Hareidlandet og Sula.

Styreleiar Harald Tom Nesvik roser i ei pressemelding korleis næringslivet og kommunar har stilt opp med støtte framfor behandlinga av Nasjonal Transportplan i vår.

– Eg vil oppmode fleire små og store bedrifter til å bli med i HAFAST og bli med oss framover. Desto fleire vi har med oss, jo betre sak har vi ovanfor stortingspolitikarane når dei skal fatte ei endeleg avgjerd i denne saka, seier styreleiaren i meldinga.