Milliontilskot til bioteknologiselskap

Selskapet Arctic Algae er mellom dei som er sikra støtte frå Møre og Romsdal fylkeskommune i samband med satsinga «Grønt industriløft for blå næring».

Dei får 2,5 millionar kroner til arbeidet med å utvikle ei oral vaksine for oppdrettsfisk. 

Sintef Nordvest får same beløp til eit prosjekt i marin industri, medan Tjeldbergodden Utvikling får 2 millionar til algeproduksjon. 

Også Vard Design, Steinsvik Olivine, Runde Forsking, NTNU, Ulstein Design & Solutions får 600.000 kroner kvar til fem kvalifiseringsprosjekt, som skal hjelpe arbeidet vidare til neste fase, opplyser fylkeskommunen i ei melding.