Motebutikk årets kremmar på Sunnmøre

Ann Kathrins Motebutikk, kalla AKY, er kåra til Årets kremmer på Sunnmøre 2023, ifølgje ei pressemelding frå SpareBank 1 SMN.

– Det er stas for oss i SpareBank 1 SMN å dele ut prisen til ei så vellukka verksemd og pilar i dataljhandelen her lokalt som Ann Kathrin Yndestad representerer, uttaler banksjef for Næringsliv, Sigrun Heltne Vartdal i meldinga.

Basert på lønnsemd og vekst kårar banken ei lokal bedrift til «Årets kremmer».

Klebutikken som Ann Kathrin Yndestad driv på Alti-sentret i Ørsta, auka inntektene med 26 prosent i fjor. Omsetninga enda på 13,8millionar og resultat før skatt vart 0,2 millionar.

Bedrifta der Yndestad er eigar, dagleg leiar og styreleiar, har 14 tilsette. Ho er også involvert i drifta av fleire butikkar i regionen.

Kriteria for å bli vurdert som Årets kremmer går både på vekst, omsetning, resultat og soliditet. 10 bedrifter på Sunnmøre kom gjennom nålauget i årets vurdering – 16 færre enn året før.

Tidlegare vinnarar:

• 2012: Bunadspesialisten, Ålesund
• 2013: Modo, Ålesund
• 2014: Modo, Ålesund
• 2015: Møbler & Miljø, Ålesund
• 2016: Vinjenaustet, Geiranger
• 2017: Drabløs AS, Ålesund
• 2018: Artec Aqua, Ålesund
• 2019: Vestcom, Ålesun
• 2020: Sjømatkompaniet, Ålesund
• 2021: Rune Sulebakk AS, Ålesund (HTH Kjøkkenforum)
• 2022: Ringo Ørsta