Nettoformuen aukar

Nettoformuen til hushalda heldt fram med å auke i tredje kvartal 2021.

Totalt var den sesongjusterte nettofordringsraten, som er nettofordringar målte i prosent av disponibel inntekt, 92,7 prosent ved utgangen av tredje kvartal i år. Det er 0,8 prosent høgare enn ved utgangen av førre kvartal, skriv SSB.

Nettofordringsraten har auka i seks kvartal på rad, og var nede i 68,8 prosent ved utgangen av første kvartal 2020. Gjennomsnittet den siste seksårsperioden har lege på 74,7 prosent.

Det er særleg nettogevinstar, som i hovudsak blir knytte til marknadsnoterte verdipapir, som har auka. Nettogevinstane i 3. kvartal i år var på 18 milliardar kroner.