Ni av ti NTNU søkarar frå utlandet

(NPK): Søkjarlistene til fleire stillingar ved NTNU viser at fleirtalet av søkjarane er frå land utanfor EU, EØS og Nato.

Khrono har fått innsyn i søkjarlista til 30 av 43 stillingar som blei lyst ut av Noregs største universitet, NTNU, før jul.

Søkjarlista viser at 90 prosent av søkjarane til nye NTNU-stillingar er busette utanfor Noreg. 72 prosent av søkjarane er frå land utanfor EU, EØS og Nato, altså land Noreg ikkje har sikkerheitspolitisk samarbeid med, skriv Khrono.

Dette utgjer 1.134 av totalt 1.580 søkjarar, med ein feilmargin basert på at nokre søkjarar har søkt fleire stillingar.

Professor for forsking ved NTNU, Tor Grande, seier dette er meir regelen enn unntaket for mange av utlysingane.

– Det mest problematiske er at vi ofte ikkje får norske, nordiske eller europeiske søkjarar. Det er utfordrande med tanke på mangfaldet blant våre tilsette. Det er spesielt problematisk at vi ikkje klarar å rekruttere eigne masterstudentar eller masterstudentar frå andre institusjonar i Noreg. Det fortel oss noko om arbeidsmarknaden, seier Grande til Khrono.