No er julepriskrigen i gang

riskrig i matbutikkane før jul har vi ofte sett dei siste åra. I år startar den ekstra tidleg, melder Nettavisen. I fjor var Kiwi først ute den 27. november, men no skjer det éi veke før, ifølgje avisa.

Coop-kjeda Extra opplyser at dei har sett ned prisen på julevarer som ribbe, julebrus, juleøl, sursild, lefser, mandelpoteter, sjokolade og julekaker den siste tida.

Ifølgje Nettavisen har kjeda sidan førre veke sett ned 51 varer med 30 prosent, og i snitt er 128 julevarer sette ned med 23 prosent. Samtidig avviser Extra at dei ikkje har jekka opp prisen på andre varer.

Kiwi seier at fleire lågpriskjeder har sett ned prisar på julevarer, og at Extra og eigaren deira Coop no prøver å ta æra for dette.

Coop opplyser Nettavisen om at dei justerte fleire hundre prisar måndag, og at fleire kutt kan komme i tida framover.

Professor ved NHH, Tor Wallin Andreassen meiner det er fleire grunnar til at det blir priskrig fram mot jul.

– Dette kjem av jakta på marknadsdelar, eller frykta for å tape, i ein periode der kundane skal handle mykje. I år er det også eit islett av sosialt samvit når hushalda slit, seier han til avisa.