Kort fortalt

No fell talet på nyetableringar

I tredje kvartal i år vart det etablert 5 prosent færre nye bedrifter i Noreg enn same kvartal i fjor.

08.11.2022

Etableringstakten har ikkje vore så låg sidan 2020.

Ser ein bort frå det kriseprega andre kvartal i 2020, har det ikkje vore lågare etableringstakt sidan tredje kvartal 2019 skriv Statistisk sentralbyrå (SSB). I tredje kvartal i år vart det registrert 17.119 nye føretak.

Ifølgje SSB har det ikkje vorte etablert spesielt få bedrifter i tredje kvartal i år. Snarare ser det ut til å gå mot ei normalisering etter at talet på nyetableringar var spesielt høgt gjennom store delar av pandemien.

SSB skriv likevel at auken i talet på nyetableringar starta i tredje kvartal 2019, og derfor var pandemien ikkje den einaste årsaka. Dei meiner det er for tidleg å konkludere om årsak.

Dei meiner også det er vanskeleg seie kor mykje dyr energi og generelt høgt kostnadsnivå har bidrege til fallet no.

Publisert: 08.11.2022 12:18

Sist oppdatert: 08.11.2022 12:19