Nordmenn sette reiserekord i 2022

(NPK-NTB): Rekordmange reiser i eige land og vekst i reiser til utlandet bidrog til at nordmenn drog på rekordmange reiser i fjor.

Nordmenn drog på nesten 22 millionar reiser i eige land i 2022 og litt over 7 millionar reiser til utlandet. Det er det høgaste talet på reiser som nokon gong er målt i reiseundersøkinga for eitt enkelt år, skriv SSB.

Starten av året var prega av pandemi og reiserestriksjonar, men nordmenn reiste då meir enn før i eige land. I midten av februar 2022 vart alle reiserestriksjonane fjerna.

– Sjølv om vi ikkje lenger hadde reiserestriksjonar, heldt vi fram med å reise like mykje innanlands som i dei to tidlegare åra, seier rådgivar Boyd Oyier.

(©NPK)