Norwegian tapte nesten ein milliard

(NPK-NTB): Norwegian gjekk på ein milliardsmell i første kvartal, men meiner sjølv dei har fått avgrensa tapet.

I første kvartal vart resultatsmellen på 992 millionar kroner før skatt.

– Det første kvartalet i år viser at vi er i stand til å tilpasse oss sesongvariasjonar i etterspurnaden. Samtidig har vi brukt tida godt til å førebu oss på den travle reiseperioden vi no går inn i, seier Geir Karlsen, konsernsjef i Norwegian.