Ny botnnotering for lakseprisen

NPK-NTB: Eksportprisen på fersk laks frå Noreg var førre veke 65 kroner per kilo, ned frå 68 kroner veka før.

Den vekefaste oversikta til Statistisk sentralbyrå (SSB) viser at prisen no er på sitt lågaste til no i 2025. Toppen vart nådd den første veka i år, då prisen var litt over 125 kroner kiloen.

Det vart eksportert over 26.000 tonn fersk laks frå Noreg i løpet av førre veke. Det er 6,7 prosent meir enn veka før, der volumet var 24.412 tonn.

Det vart samtidig eksportert 718 tonn frosen laks, der prisen var 70,76 kroner per kilo.