Ny rekord for camping i Geiranger

Geiranger Camping hadde eit rekordår i 2023, viser rekneskapen som no er offentleg. Omsetninga har aldri vore høgare – og var nær ved å bikke sju millionar kroner.

Samtidig snudde selskapet eit lite minusresultat frå 2022, til eit overskot før skatt på drygt 300.000 kroner.

Geiranger Camping ligg i sentrum av Geiranger, ved enden av Geirangerfjorden. Her tilbyr ein camping med eller utan straum for bubilar, campingvogner og telt, og her er resepsjon med storkiosk.

Campingplassen er open frå slutten av april til 30. september, og Frank og Synnøve Maråk er eigarane av reiselivsverksemda. Selskapet hadde fem årsverk i arbeid i fjor.g