Ny rekord for Plany

Haugsbygd-bedrifta vart etablert i 1964, først som seglmakarverksted. I dag produserer ein ei lang rekke presenningsprodukt til både akvakultur, industri og andre anlegg på land.

I fjor hadde selskapet sitt beste omsetningsår sidan starten, med 42,4 millionar kroner i inntekter. Resultatet før skatt vart også positivt med 2,2 millionar kroner.

I perioden 2019-2021 tapte selskapet pengar, blant anna på grunn av store kostnader til utvikling av luseskjørt.

Plany har ein samla eigenkapital på 4,5 millionar kroner, og 2,1 millionar i langsiktig gjeld.

I 2022 sysselsette selskapet 19 årsverk.

Sigbjørn Notøy er hovudeigar med 51,7 prosent av aksjane. Andre eigarar er Frank Robert Notøy, Liva Christin Notøy,Trine-Mette Notøy Sævik, Maritime Partner, Jannike Saure Knotten og Jon Tormod Hukkelberg.