Ny toppsjef tek over i Fjord1

Dagfinn Neteland går av som toppleiar i Fjord1 og ny administrerande direktør er Geir Bruvik Mjelde. 

Neteland har siste dag i jobben 31. mai og Mjelde starta 1. juni. 

Prosessen med å finne ein arvtakar har vore planlagd over lengre tid i tett dialog med styreleiar og eigarar. 

Neteland har vore toppsjef i ti år. 

– Vi har erstatta dieselfartøy med ny miljøvennleg teknologi, og no står neste generasjon hurtigbåt og autonomi for tur, eit symboltungt bevis på kor langt vi er kome. For meg er «ringen slutta» her, og det er berre positivt at nye krefter tek over, uttaler Neteland. 

Mjelde som snart skal inn i sjefsstolen kjem inn i Fjord1 med ein solid bakgrunn innan ei rekke toppstillingar i ulike selskap, sist som administrerande direktør i Kristian Gerhard Jebsen Skipsrederi i Bergen.