Nytt fond for gründerselskap

(NPK): Finansstjerner som Kjell Inge Røkke, Johan H. Andresen jr., Are Traasdahl og Jon von Tetzchner er blant investorane bak det nye fondet Founders Fund II, som skal hjelpe 50 gründerselskap over den første kneika. F
ondet er på 70 millionar kroner og har så langt investert i seks selskap: Diffia, Gamestones, Exabel, Hold, Immence og Imersco.
– Vi starta fond éin med 30 millionar kroner i slutten av 2013, da ingen andre var interesserte. Omtrent ingen investerte så tidleg. Ingen tok risken, seier partnar Tor Bækkelund i Startuplab til Dagens Næringsliv.
Dei 23 selskapa dette første fondet har investert i, er no verde fire gonger meir enn da fondet gjekk inn.
Fjorten nye investorar har meld seg i tillegg til dei elleve som var med i den første satsinga. (©NPK)New article