Nytt nei til småkraft i Gloppen

Olje- og energidepartementet held oppe avslaga som er gitt av NVE i tre småkraftsaker i Agder, Vestland og Innlandet fylke, melder departementet.

Det gjeld mellom anna søknaden om å auke slukeevna i Breidalselva kraftverk i Ryggelva i Gloppen kommune i Vestland. Departementet meiner at den noverande slukeevna i kraftverket er relativt høg, gitt at Ryggelva er eit verna vassdrag, ifølgje Olje- og energidepartementet.