Nytt toppår for Ulstein-firma

Ulstein-selskapet Beslag & Ventilasjon fekk eit nytt år med over fem millionar i inntekt i fjor. 

Lønnsemda vart betre enn året før, og litt over «midt på treet» av dei siste fem rekneskapsåra.

Selskapet vart starta opp i 2007, og driv med liftutleige, i tillegg til beslag, pipekledningar og ventilasjon.

Oskar Grimstad eig 50 prosent av selskapet, Dag Ulstein Kristensen 40 prosent og Jan Kåre Sandvik 10 prosent.

Samla eigenkapital var ved utløpet av fjoråret på 1,2 millionar kroner, og langsiktig gjeld på kring 1,8 millionar.