Oljesektoren senkar produksjonsindeksen

(NPK-NTB): Norsk industriproduksjon gjekk ned med 1 prosent i perioden mai-juli samanlikna med førre tremånadersperiode, viser nye tal frå SSB.
Det er særleg maskinindustrien og leverandørar til oljesektoren som trekkjer ned.
Produksjonsindeksen for industrien omfattar industriområde som kraftindustri, bergverksdrift, utvinning, produksjon av næringsmiddel og drikkevarer, metall- og maskinindustri og bygging av skip og oljeplattformer.
Tala frå Statistisk sentralbyrå (SSB) viser at det er ein nedgang på 3,7 prosent i tremånadersperioden mai-juli i den petroleumsretta leverandørindustrien, altså bedrifter som leverer varer og tenester til oljesektoren. Maskinindustrien hadde på si side ein nedgang på 5,4 prosent, medan maskinreparasjon- og installasjonsindustrien gjekk tilbake med heile 7,4 prosent.
Men det finst også positive tendensar. Oljeraffinering i tillegg til kjemisk og farmasøytisk industri har ein vekst i same periode på 5.9 prosent. Også bygging av skip og oljeplattformer går opp med 2,6 prosent.
Frå juni til juli var det likevel ein auke i produksjonsindeksen med 3,7 prosent. (©NPK)