Opna nasjonalt senter for yrkesfag

Kunnskapsminister Kari Nessa Nordtun (Ap) opna onsdag det nye nasjonale senteret for yrkesfag i Molde.

Målet er å  gi meir kunnskap om yrkesfaga, utvikle utdanningane og bidra til at fleire fullfører med fagbrev, ifølgje ei pressemelding.

Over halvparten av norske ungdomar begynner på yrkesfag. Det er fleire enn nokon gong, og etterspurnaden i arbeidslivet er stor. Likevel er forskinga på fag- og yrkesopplæringa mangelfull.

– Arbeidarpartiet i regjering satsar på yrkesfaga. Då treng vi òg meir kunnskap om kva som verkar for å styrke kvaliteten. No opprettar vi dette senteret slik at vi kan få ut det fulle potensialet i yrkesutdanningane, uttaler statsråden i samband med opninga.