Opnar for fleire rekeaktørar
Lyser ut to nye konsesjonar i Barentshavet.
For å sikre at fleire aktørar vel å satse på rekefiske, har Nærings- og fiskeridepartementet vedteke at det skal lysast ut to nye reketrålkonsesjonar.
– Vi har over lang tid hatt ei målsetjing om å auke fisket etter reker i Barentshavet og på den måten bidra til å sikre råstoff til nordnorsk rekeindustri, seier fiskeri- og sjømatminister Odd Emil Ingebrigtsen i ei pressemelding.
Departementet har sidan 2013 sett i verk ei rekkje ulike tiltak for å leggje til rette for meir fiske etter reker i Barentshavet, men tiltaka har hatt avgrensa effekt. Hovudårsaka synest å vere manglande lønnsemd og at innehavarar av løyve prioriterer andre fiskeri, ifølgje Nærings- og fiskeridepartementet.
– Ved å lyse ut to nye reketrålkonsesjonar gir vi moglegheita for nye aktørar som ønskjer å drive fiske etter reker, seier Ingebrigtsen.
Publisert: 08.09.2021 17:09
Sist oppdatert: 08.09.2021 17:10