Opnar for meir mjølkeproduksjon

Bønder kan produsere 20 prosent meir mjølk i 2025 etter at Landbruks- og matdepartementet vedtok å auke kvoten for kumjølk.

Årsaka er aukande etterspurnad av meieriproduktet, som regjeringa forventar at vi må trenge 1510 millionar liter av i 2025.

– Folk drikk meir mjølk i dag enn dei gjorde før. Det er positivt for inntekta til bonden, den norske sjølvforsyninga og helsa til folk, seier landbruks- og matminister Geir Pollestad (Sp).

Tine tilrådde ein noko lågare auke av mjølkekvoten på 17 prosent.

Landbruks- og matdepartementet meinte likevel det var rom for å auke kvoten for kumjølk, som blir omtalt som forholdstalet for disponibel kvote for kumjølk, ytterlegare, opplyser departementet.

Departementet følgde derimot råda frå mjølkegiganten om å setje forholdstalet på kvoten for geitemjølk til 0,95 for 2025.