Oppbod for bensinstasjonsselskap

Møre og Romsdal tingrett har opna konkurs i Sykkylven-selskapa Grebstad Bil og Blindheim Bil.

Førstnemnte selskap var eigar av sistnemnte, og leiinga melde oppbod til tingretten før konkursane. Selskapa har mellom anna stått bak drifta av YX-stasjonen i Sykkylven.

Ifølgje lokalavisa Nyss blei drifta lagt ned kring årsskiftet og nye eigarar står klare til å overta.

Framover skal Leif Kjetil Lorentzen, Nicolai Lorentzen og Ottar Hellebostad står for drifta av bensinstasjonen og skal i hovudsak satse på verkstaddrift, ifølgje avisa.