Opptur for daglegvarer og alkohol

(NPK-NTB): Omsetninga av daglegvarer og alkohol i Noreg var 19 prosent høgare i 2021 enn i 2019.

– Det kjem av både redusert grensehandel som følgje av reiserestriksjonar, og endra forbruksmønster som følgje av at folk i periodar måtte vere meir heime. Færre har gått ut for å ete og drikke og har heller brukt pengar på mat og drikke i butikkar, seier seniorrådgivar Marius Bergh i SSB.

Veksten i omsetning var størst i område nær grensa mot Sverige. Halden toppa lista med 46 prosents auke, medan omsetninga i Fredrikstad og Sarpsborg auka med 42 prosent.

(©NPK)