Oslo Børs opna veka ned

(NPK-NTB): Hovudindeksen på Oslo Børs var måndag formiddag ned meir enn 1 prosent. Nedgangen følgjer etter nedgang i Asia og på Wall Street.

Oslo-børsen fall kraftig frå start måndag, og var på sitt førebels lågaste klokka 9.22 før hovudindeksen auka litt igjen. Klokka 9.40 er hovudindeksen ned 0,8 prosent.

Også børsane i Asia opna med tydeleg nedgang, etter at USAs sentralbanksjef Jerome Powell førre veke varsla at det vil komme fleire rentehevingar i forsøk på å stagge inflasjonen i den amerikanske økonomien.

Oljeprisen har måndag morgon stige noko frå nivåa før helga. I skrivande stund ligg nordsjøolje (brent spot) på rett over 101 dollar fatet. Det er rundt to dollar høgare enn då Oslo Børs stengde fredag.

(©NPK)