Over 800 i Kinn har førehandsrøysta

NPK: 23 dagar før valdagen har 800 personar førehandsrøysta om oppløysing av Kinn kommune.

I overkant av 800 personar har så langt røysta i folkerøystinga om Kinn kommune skal halde fram som ein kommune, eller delast i to, skriv NRK.

Tala er frå dei fire første dagane av førehandsrøystinga som starta førre veke. Om lag 13.300 personar har røysterett i kommunen.

Sjølve valdagen finn stad 1. september.