Har fått på plass langsiktig finansiering

Arctic Bioscience har fått på plass ny langsiktig finansiering gjennom ei gjennom eit banklån på 15 millionar kroner. Det opplyser selskapet i ei børsmelding onsdag.

Saman med ein tidlegare trekkfasilitet på 8 millionar, har selskapet no styrket tilgjengelig likviditet med 23 millionar i alt. Det nye lånet og auka trekkkfasiliteten er sikra via Innovasjon Norge, og garantiar frå ulike aksjonærar. 

Aksjonærar garanterer
I ei anna børsmelding blir det opplyst at selskap knytt til Tore Tønseth og Jan Endre Vartdal er mellom aksjonærane som har stilt garantiar. 

Ronja Capital som er Halsebakk-familien sitt investeringsselskap har stilt 10 millionar i garantiar, medan Vartdal Holding og Brødrene Vartdal har stilt garantiar for 1,5 millionar kroner kvar. 

Svingande aksjekurs
Før meldinga kom var Arctic Bioscience-aksjen opp nokre få prosent. Ein time etter meldinga kom, hadde kursen falle 7,88 prosent til 3,04 kroner. 

Deretter steig den att til 3.30 kroner ved 13-tida – same nivå som då handelen starta onsdag. 

Kan bli konvertert til aksjar
Selskapet opplyser at det er inngått avtaler med aksjonærane som har inngått garantiane, at det ikkje skal bli betalt provisjon.

Garantistane har heile løpetida rett til å innfri heile lånet direkte til banken, og til å få kravet konvertert i aksjar. Kravet kan når som helst konverterast til aksjar med kurs per aksje på den lågaste av 70 prosent av siste fem handelsdagar.