Pessimisme i næringslivet

I alle fylke er det ei overvekt av pessimistar. I Innlandet ventar berre 9 prosent ei betring av marknadssituasjonen dei neste seks månadene, medan 42 prosent ventar forverring. Lågast del pessimistar er det i Møre og Romsdal.

Vurderinga av situasjonen i dag er litt dårlegare enn i mars. 26 prosent seier at situasjonen er god, medan 20 prosent seier at han er dårleg. Historisk sett er dette framleis eit lågt nivå, ifølgje NHO.

Framtidsutsiktene er om lag like mørke som i mars. 2 prosent ventar ei forverring av marknadssituasjonen dei neste seks månadene, medan berre 15 prosent trur situasjonen betrar seg.

Framtidsutsiktene var likevel mørkare før jul og er no på nivå med september i fjor.

– Det er rimeleg å tru at betringa i hovudsak speglar lågare straumprisar, som betrar lønnsemd og sjansar til å overleve. I tillegg har aktiviteten både ute og heime halde seg noko betre oppe enn venta, seier sjeføkonom Øystein Dørum i NHO.

Undersøkinga er gjennomført i perioden 30. mars-12. april, med 2.191 svar.