Peter Opsvik er død

NPK-NTB: Det opplyser familien til Dagbladet Børsen. Peter Opsvik vart fødd på Stranda i 1939. Onkelen Jon Ringstad etablerte møbelfabrikken Stranda Industri A/S der faren Nils vart medeigar.

Den ikoniske Tripp trapp-stolen vart lansert for Stokke fabrikkar i 1972 og er Noregs suverent mest selde stol. Opsvik er tildelt ei rekke prisar og utmerkingar, og i 2006 vart Tripp trapp-stolen kåra til tidenes norske møbel.

I tillegg til den ikoniske barnestolen var Opsvik kjend for kontorstolen Capisco og for arbeidet sitt med ergonomi og rørsle i produkta sine, til dømes i Balans-stolane. Sunnmøringen var oppteken av å lage stolar som får det sitjande mennesket til å røre på seg.

Opsvik arbeidde også med grafikk, bilete og objekt. Han debuterte på Vestlandsutstillingen i 1966 og Statens Høstutstilling i 1967.

Som saksofonist og klarinettist var han med i Christiania Jazzband frå 1972 og Christiania 12 frå 1973. I 1973 fekk Opsvik Spellemannprisen. I 1999 kom plata Woodwork (NorCD), der han speler fri-jazz og samtidsmusikk. Opsviks son, Eivind Opsvik, er også jazzmusikar.

I år 2000 etablerte Opsvik og medlemmer av familien miljøstiftinga The Minor Foundation, som kvart år gir pengar frå aksjeutbyttet til miljøprosjekt over heile verda, ifølgje Store norske leksikon.