Pollestad blir ny minister

(NPK-NTB): Sandra Borch (Sp) overtek rolla som forskings- og høgare utdanningsminister, medan Geir Pollestad (Sp) blir utnemnd til ny landbruksminister.

Fredag kom Borch og Pollestad ut på slottsplassen saman med statsminister Jonas Gahr Støre (Ap), etter å ha fått tildelt rollene som høvesvis forskings- og høgare utdanningsminister og landbruksminister.

Statsrådsskiftet skjer etter Ola Borten Moe (Sp) gjekk av 21. juli på grunn av brot på habilitetsreglane etter aksjekjøp i våpen- og teknologiselskapet Kongsberg Gruppen.

(©NPK)