Protesterer på sletting frå fiskarmanntalet

Stig Remøy har levert ein klage til Fiskeridirektoratet etter å ha blitt sletta frå fiskarmanntalet for 2026, ifølgje Vestlandsnytt. 

Herøyreiaren opplyser at opplysningane som Nav og Skatteetaten har henta inn, ikkje gir det rette bilde av arbeidet hans – og ber difor om å bli teke opp att som fullverdig medlem i manntalet. 

I klagen frå advokaten hans blir det argumentert med at Remøy har fiskeri som hovudnæring, og at både tidsbruk og lønsinntekt i all hovudsak knyter seg til slik aktivitet. 

Advokaten skriv at det berre er som eigar og styreleiar at Remøy har ei rolle i Olympic-systemet, men at det av praktiske omsyn er valt å gjere ei avløning via managementselskapet Olympic Shipping As, skriv avisa. 

Nettstaden Kyst og Fjord meldte om nyheita først. Stig Remøy har ikkje svara på Nett No sin førespurnad om saka.