Regjeringa lagar kart over naturskog

(NPK-NTB): Naturskogen i Noreg må dokumenterast betre, forlangte 167 forskarar i eit opprop førre veke. No skal staten kartfesta naturskogen i Noreg innan 2024 er omme.

Det er Miljødirektoratet som får oppdraget med å laga kartet over gammal skog som ikkje er flatehoggen. Det er første gong at den attverande naturskogen blir kartfesta, og kartet kjem til å bli tilgjengeleg for alle.

– Skogane er levestad for 1330 trua dyr, fuglar, plantar og insekt, og så mykje som 84 prosent av desse artane er knytte til gammal skog. Me treng derfor betre kunnskap om den eldste skogen, seier klima- og miljøminister Andreas Bjelland Eriksen (Ap) i ei pressemelding.

Mellom anna skal satellittbilete, laserskanning og eksisterande data ligga til grunn for fyrste versjon av kartet, som skal vera klart i år.

(©NPK)