Rekordår med sal av klippfisk

Cod-Export hadde eit nytt rekordår i fjor, viser rekneskapstala. Ålesund-selskapet samarbeider med Fjordlaks, og sel i stor grad klippfisk.

Selskapet har aldri hatt høgare omsetning, eller overskot enn i fjor. 

Driftsinntektene steig til 658 millionar og resultat før skatt enda på 8,5 millionar kroner (sjå tabell under). 

70 prosent av fisken blei i fjor selt til Sør- og Mellom-Amerika. Det resterande gjekk til den europeiske og afrikanske marknaden, går det fram av årsmeldinga. 

Selskapet har fem tilsette. 

Styret omtalar resultatet med ein driftsmargin på 1,7 prosent som normalt. Alle marknadene er inntakt, men det er manglande tilgang på valuta i nokre marknad – og forseinka betaling, heiter det vidare. 

Selskapet ventar ei omsetning i 2025 på nivå med fjoråret, men påpeiker at det normalt er betydeleg usikkerheit kring vurdering av framtidige forhold. 

3,5 millionar kroner blei sett av til utbytte etter fjoråret, medan resten av overskotet blir overført til eigenkapitalen. 

Den var på knappe 32 millionar kroner ved utløpet av 2024, og selskapet hadde ikkje langsiktig gjeld. 

Største aksjonær er Tor Helge Valderhaug med 51 prosent, medan Amund Pedersen, Christin Pedersen og John Erik Mathisen eig 16,3 prosent kvar.