Ei hytte på Strandafjellet er lagt ut for sal til 32 millionar kroner.
Prisen er langt over alle tidlegare prisrekordar på Sunnmøre – både for hytte og bustadhus, ifølgje Sunnmørsposten.
Den nybygde hytta i Blådalslia hyttefelt ligg rett ved skitrekket, og har eit bruksareal på meir enn 400 kvadratmeter. Då er det blitt plass til seks soverom, vinrom, biljardrom og sauna, i tillegg har hytta utandørs boblebad.
Meklar Paal Henning Molvær Jørgensen hos Nordvik Bolig seier til avisa at dei har dialog med nokre som er interesserte i hytta, men at han er budd på at den kan «trenge litt tid i marknaden».
Publisert: 22.11.2023 16:51
Sist oppdatert: 22.11.2023 16:51
