Rekordoverskot for møbelbedrift

Rovde Møbel & Design As hadde eit nytt godt år i fjor, viser rekneskapen.

Omsetninga på 13,5 millionar er det nest høgaste dei har kome nokon gong, og nokre hakk ned frå 2022 (sjå tabell under).

Eit driftsresultat på nær ein million kroner, er det største møbelbedrifta har levert - i eit år då store delar av bransjen fekk det tøffare.

Vanylven-bedrifta hadde ni årsverk i arbeid i fjor.

Rovde Møbel & Design har tradisjonelt hatt skipsmarknaden som største kundegruppa, men dei siste åra har også kundar på land vorte eit større satsingsområde.

Dagleg leiar Paul Sindre Vedeld, Vidar Vedeld Knardal og familien Vik på Syvde er største eigarar i bedrifta med drygt 17 prosent kvar. Jan Steinar Sundnes eig drygt 11 prosent og resten av aksjane er fordelt på ti andre eigarar.