Røykutvikling på plattform - stoppa produksjonen

(NPK-NTB): Produksjonen ved Sleipner B-plattforma er nedstengd etter røykutvikling i eit tavlerom tidleg tysdag morgon. Fartøyet Scandi Mongstad er mobilisert.

Equinor beredskap vart i dag klokka 04.40 varsla om røykutviklinga, melder selskapet i ei pressemelding.

Sleipner B er ei ubemanna produksjonsplattform som ligg i området Sleipner Vest, 12,5 kilometer unna Sleipner A-plattforma.

Produksjonen er nedstengd, og anlegget er trykkavlasta.

Equinors beredskapsorganisasjon er mobilisert, og relevante styresmakter er varsla, opplyser selskapet.