Samde i hotell- og restaurantbransjen

(NPK-NTB): Fellesforbundet og NHO Reiseliv vart sitjande fleire timar på overtid, men kom til slutt til ei semje.

Både Fellesforbundet og Parat kravde reallønnsvekst ved forhandlingsstart.

No melder Fellesforbundet om ei semje med NHO Reiseliv 11 timar på overtid av forhandlingsfristen. Dermed unngår ein at 1549 av Fellesforbundets medlemmer går ut i streik.

Parat og NHO Reiseliv sit framleis ved forhandlingsbordet. Det kan bety streik for 262 tilsette dersom dei ikkje kjem til ei semje.

NHO Reiseliv på si side har åtvara mot at ein lønnsauke på toppen av allereie høge utgifter kan vere krevjande.