Listhaug seier frå seg odelen

NPK-NTB: Framstegsparti-nestleiar Sylvi Listhaug førebur seg på livet på toppen av partiet. No gir ho opp draumen om å overta familiegarden.

– Eg kjem til å seie frå meg odelen på garden. Det var heilt frivillig, men tøft likevel. Det var jo ein draum som vart knust. Det er den staden eg er mest glad i på heile jorda, så eg kjem til å sikre at familien min har ein stad i nærleiken av garden i framtida, seier Frp-nestleiar Sylvi Listhaug til Dagbladet.