Partane i flyteriggoppgjeret er samde om ein ny avtale, og det blir dermed ingen streik på riggane.

Meklingsfristen gjekk ut ved midnatt, og snautt to timar på overtid kom partane fram til ei løysing, opplyser Industri Energi.

– Vi har sikra medlemmene våre på flyteriggområdet ein solid lønnsauke, seier forbundsleiar Frode Alfheim i ei pressemelding.

Oppgjeret inneber eit generelt lønnstillegg på 3,7 prosent, minst 37.000 kroner. Også fagforbunda SAFE og DSO (Det norske Maskinistforbund & Norsk Sjøoffisersforbund) er inkludert i flyteriggoppgjeret.

Avtalen er i samsvar med meklingsresultat for andre tilsette på sokkelen innan Norsk olje og gass / NHO, seier Rederiforbundet.

– Det har vore svært krevjande, men eg fornøgd med at vi unngjekk konflikt, seier forhandlingsleiar Geir Sjøberg.