Semje mellom LO og Finans Norge

LO og Finans Norge har vorte samde i årets mellomoppgjer for tilsette i finansbransjen.

Oppgjeret omfattar medlemmer i HK Norge og Fagforbundet, og dessutan Finansforbundet.

– Vi har vorte samde om ei ramme på 5,2 prosent. Det er i tråd med ramma for frontfaget, seier forhandlingsleiar for LO, Christopher Beckham.

Han fortel at det i forhandlingane har vore stor usemje om kor mykje av lønnsramma som skulle givast sentralt og kor mykje som skulle fordelast individuelt via ein lokal pott.

– I ei tid med høg prisvekst og renteoppgang har det vore viktig for LO å få til eit godt generelt tillegg til alle, medan Finans Norge ønskte mest til lokal fordeling, seier forhandlingsleiaren.

I ei pressemelding opplyser LO at det blir gitt eit generelt tillegg på 2,65 prosent, minimum 18 000 kroner per år. Det generelle tillegget utgjer om lag 50 prosent av ramma, slik at det framleis er meir å hente lokalt.