Sikra seg ferje nummer fire

I januar var alle formalitetane på plass i avtalen mellom Norled og Havyard Leirvik om å bygge tre ferjer. No har ferjereiarlaget erklært opsjonen også på ei fjerde ferje frå verftet.

Den siste av dei fire ferjene skal leverast i desember 2026.

Då NETT NO skreiv om kontrakten på dei tre første ferjene rett før jul i 2023 var det snakk om ein kontrakt på over ein miliard. Med utvidinga av avtalen til fire ferjer skriv nettavisen Kystens Næringsliv det er snakk om oppdrag for rundt 1,5 milliardar kroner.

Ferjene blir 84,5 meter lange og 15 meter breie, med plass til 60 bilar og 250 passasjerar. Dei skal kombinere diesel- og batteri som energikjelde.

Dei skal trafikkere sambandet «Stokkevågen - Lovund, Stokkevågen - Træna» frå og med 2027, og er designa av LMG i Bergen.