Sjømatrådet: India-avtale vil gi konkurransefordel

(NPK-NTB): Den nye frihandelsavtalen med India er ein historisk milepæl for norsk sjømatindustri, seier Sjømatrådet, som meiner avtalen gi norske eksportørar ein stor konkurransefordel.

Handelsavtalen med India som vart signert søndag, skal gradvis redusere dagens tollnivå på 33 prosent til nulltoll i løpet av fem år.

– Den nye frihandelsavtalen med India markerer ein historisk milepæl for norsk sjømatindustri, seier fungerande direktør for marknadsinnsikt og marknadstilgang Børge Lotre i Noregs sjømatråd i ei pressemelding.

– Med nulltoll på produkt som makrell, sild og omarbeidde varer som filet av laks og aure innan 5 år, vil norsk sjømat få ein langt meir konkurransedyktig posisjon i eit av verdas største og mest ettertrakta marknadar, seier Lotre vidare.

Avtalen vart signert i New Delhi søndag 10. mars av mellom anna næringsminister Jan Christian Vestre (Ap) og den indiske handelsministeren Piyush Goyal. Tollfridommen skal bli oppådd i løpet av fem år, sa Nærings- og fiskeridepartementet.

(©NPK)