Skatt og handelskrig på næringskonferansen

Jan Magne Langseth skal leie gruppesøksmålet mot staten, der Ørsta-investor Lars Oscar Øvstegård vil utfordre staten på om det er formuesskatten er grunnlovsstridig. 

På Næringskonferansen Søre Sunnmøre  10. april skal Langseth orientere om status i prosessen mot staten, og vurdere kva som kan bli konsekvensen av ei rettsak. Han blir eitt av trekkplastra på konferansen i Ørsta som blir arrangert for 12. gang i år. 

Saman med tidlegare statsråd Ketil Solvik Olsen (Frp) - no i kommunikasjonsbyrået Geelmuyden Kiese, NHH-professor Ola Honningdal Grytten og Espen Remme i Aksjon for Norsk Eierskap, skal Langseth delta i eit ekspertpanel på konferansen. 

Her blir det analyser om endringar og utvikling i internasjonal politikk - og korleis dette slår inn og påverkar Noreg. 

Medrekna konferansier Truls Svendsen, skal ti personar halde innlegg på konferansen, ni menn og ei kvinne. 

Les programmet her (ekstern lenke)