Skjermar pumpeprisen

NPK-NTB: Ap-Sp-regjeringa held den foreslåtte auken i CO2-avgift uendra på 28 prosent, men går inn for at pumpeprisen i stor grad skal skjermast.

Det går fram av forslaget Ap-Sp-regjeringa har til endringar i budsjettforslaget frå den borgarlege regjeringa for 2022.

Den nye regjeringa gjer inga endring i forslaget om å auke CO2-avgifta med 28 prosent.

Men bilistane skal i stor grad kompenserast for auken. Det skjer i form av redusert vegbruksavgift og trafikkforsikringsavgift. I vegbruksavgifta er det i hovudsak biodrivstoffkomponenten som blir kutta.

Samla sett vil drivstoffavgiftene framleis auke noko i 2022.