Slutt etter meir enn 30 år på vegen

Møre og Romsdal tingrett har fredag opna konkurs i selskapet Hjørungavåg Transport i Hareid.

Verksemda med sju tilsette er innstilt, ifølgje rettspapira.

Tingretten har fått opplyst at selskapet har kring 13,8 millionar kroner i gjeld og verdiar for kring 11,3 millionar.

Hjørungavåg Transport blei starta i 1991 og omsett frå 20 til 28 millionar dei siste åra. Fire av dei fem siste rekneskapane som er levert viser minusresultat, men eigenkapitalen var positiv ved utløpet av 2022.

Kristine Grønbech Rolland Devold er bustyrar i saka og første skiftesamling er 19. august.