NPK-NTB: Erna Solberg blir sitjande som partileiar og er statsministerkandidaten til partiet i 2025. – Fullt motivert, seier Solberg om vegen vidare.

Det opplyste ho på ein pressekonferanse måndag.

Ho fortalde at ho søndag møtte Høgres sentralstyremøte ansikt til ansikt for første gong sidan den første pressekonferansen i aksjesaka for to månader sidan.

– Der opplevde eg eit sterkt ønske om at eg skal halde fram som partileiar. Det har bidrege sterkt til den personlege motivasjonen min og konklusjonen min sånn som saka står no, sa Solberg.

Dei åtte åra ho var statsminister, kjøpte og selde ektemannen Sindre Finnes aksjar og verdipapir rundt 3600 gonger.

Solberg har tidlegare uttalt at nøyaktige beløp ikkje er vesentlege for å fastslå habiliteten hennar, og har argumentert for at kortsiktig handel uansett gjer henne inhabil.